Hasso Eccard von Manteuffel (14 Januarie 1897 - 24 September 1978) was 'n Duitse generaal tydens die Tweede Wêreldoorlog, in bevel van die 5de Panzer-leër. Hy het Nazi-Duitsland se Ysterkruis met eikeblare, swaarde en diamante ontvang.
Na die oorlog is hy verkies tot die Bundestag (Wes-Duitse wetgewer) en was die woordvoerder oor verdediging vir die Vrye Demokratiese Party. Hy was 'n voorstander van Duitse herbewapening en was verantwoordelik vir die vestiging van die nuwe naam vir die Duitse weermag na die Tweede Wêreldoorlog, die Bundeswehr.